Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарскиот клуб Куманово за првпат ќе учествува на Купот на Македонија, кој ќе се одржи од 13 до 15 февруари во Гевгелија. Во четвртфиналето, кумановци ќе се соочат со екипата на Кожув.
Тренерот Марин Докузовски изрази задоволство од дебитантското учество, истакнувајќи дека тимот ќе даде сѐ од себе за да одигра на највисоко ниво.
Тој ја препушти фаворитската улога на другите клубови, но нагласи дека Куманово нема да се предаде, и покрај кадровските проблеми.
Докузовски очекува максимална посветеност од своите играчи и посака турнирот да помине без повреди, претворајќи се во вистински празник на кошарката. Натпреварот започнува во 18 часот.
Покрај дуелот Куманово - Кожув, во четвртфиналната фаза ќе се одиграат и натпреварите:
- ТФТ Скопје - Гостивар (13:00 часот)
- Пелистер - Чаир (15:30 часот)
- МЗТ Скопје - Работнички (20:30 часот)
Полуфиналните средби се закажани за 14 февруари, додека финалето ќе се одржи на 15 февруари.
Минатогодишниот трофеј го брани екипата на МЗТ Скопје Аеродром.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk