Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на МЗТ Скопје го претрпеа 10. пораз во 20 коло од Јадранската АБА лига, губејќи синоќа на домашен терен од Унион Олимпија со 76-87.
Избраниците на Алеш Пипан успеаја да се спротивстават само во првиот дел, по кој на пауза се замина со предност од 42-36. Но во вториот дел гостите од Словенија беа незадржливи за македонскиот шампион и заслужено славеа, откако ги добија третата и последната четвртина со 9 поени разлика.
Најавите на гостинскиот тренер, словенечкиот стратег со македонски корени Сашо Филиповски дека Олимпија е спремна за одмазда за жал се остварија.
Најефикасни кај тимот од Аеродром беа Гечевски со 26 и Николовски со 17 поени, а двајцaата забележаа и по 7 скока. Дражен Бубниќ со 20 поени беше најзаслужен за славјето на гостите од Љубљана.
Со скор од 10-10 МЗТ Скопје се наоѓа на 8. место, а во следното коло гостуваат во Загреб против Цедевита.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk