Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на МЗТ Скопје, потешко од очекувањата со победа ја започнаа одбраната на титулата во првото коло од домашната Суперлигата, славејќи над Кожув со 77:71.
Гостите од Гевгелија водеа се до финишот, а во 32 минута ја имаа најголемата предност од 12 поени. Сепак, избраниците на Алеш Пипан успеаја да се разбудат и да направат серија од 24:6 за пресврт со кој дојдоа до посакуваната победа.
Најзаслужен за победата на МЗТ Скопје беше Дамјан Стојановски со 19 поени, кои ги постигна во вториот дел од дуелот. Одлична партија прикажа и Тодор Гечевски, кој имаше дабл-дабл учинок од 17 поени и 10 скока, додека Ѓорѓи Чековски беше на чекор до исто постигнување (16 поени, 9 скока). Игор Мијајловиќ, доскорешниот член на МЗТ со 13 поени беше најефикасен кај Кожув.
Победи на домашен терен забележаа и екипите на поранешните шампиони Работнички и Фени. Најтрофејниот клуб со 106:92 ја преслуша Лирија, додека кавадарчани со 96:89 беа поуспешни од Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk