Зачленете се во нашиот клуб на читатели и најновите текстови ќе ги добивате на вашата мејл адреса
Победникот на минатонеделниот турнир во Монтреал, Рафаел Надал со многу напори синоќа го совлада Григор Димитров за пласман во четвртфиналето.
Надал славеше победа од 2:1 во сетови (6:2; 5:7 и 6:2) и со тоа воедно се избори за меч со Рожер Федерер.
Ниту Федерер немаше лесна задача во 3.коло бидејќи и тој во три сета (2:1) успеа да слави победа над Томи Хас.
За разлика од нив двајцата Новак Ѓоковиќ и Енди Мареј немаа проблеми со своите ривали.
Ѓоковиќ на Давид Гофин му препушти само два гема (6:2 и 6:0), додека Мареј го победи Жулиен Бенето со 6:2 и 6:2. Тешка победа од 2:1 во сетови постигна и Хуан Мартин Дел Потро против Фелицијано Лопез.
Денеска на програмата се четвртфиналните дуели каде секако најголемо внимание привлекува пресметката Надал - Федерер, а играат уште Ѓоковиќ - Џон Изнер, Дмитри Турсунов - Дел Потро и Мареј - Томаш Бердих.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk