Одбојкарите ќе го играат првиот натпревар на домашен терен

По подолго време Куманово ќе биде домаќин на еден одбојкарски натпревар. Во сабота 13. Ноември 2010 со почеток во 12:00 часот, при одигрување на 4. коло од Првата државна лига во одбојка за мажи, силите ќе ги одмерат екипите на Одбојкарски клуб Куманово и Одбојкарски клуб ЏИО од Струмица во Спортската сала во Куманово.

Од ОК Куманово посакуваат нашите сограѓани во што поголем број да дојдат на натпреварот и да ги бодрат нашите одбојкари. Куманово доби претставници во најелитните натпреварувања во кошарка, ракомет и еве и во одбојката. По многуте години на минимални спортски настани во градот прекрасно е нашата Спортска сала пак да се види исполнета до последно место. Се надеваме на убава спортска приредба која ќе ја надополни спортската понуда во Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk