По шести пат трка мали велосипедисти

 Михаил Николовски од градинката „Синоличка„ е победник на годинешнава велосипедска трка што денеска се одржа во Стариот градски парк. Во трката учествуваа педесетина дечиња од големите групи на сите градинки, а најдобрите добија медали, дипломи и маички.

 Oваa година по шести пат се одржува трката на мали велосипедисти, наменета за дечињата од предучилишна возраст кои на есен треба да тргнат на училиште. Во иднина ќе настојуваме манифестација да стане традиционална. Околу 50 дечиња учествуваат во натпреварувањето, а присуствуваа над 120 дечиња. Од година во година манифестацијата побудува интерес и кај граѓаните и родителите со што имаме поголем поттик понатаму да размислуваме да стане регионален натпревар, дури и на повисоко републичко ниво - рече Виолета Богдановска, началник на Одделот за превенција при МВР.

 Манифестацијата на почетокот ја организираше градинката „Ангел Шајче„, клон „Синоличка„ и велосипедскиот клуб „Вело М„ ,но последниве две години покртовител на натпреварувањето е Општинскиот совет за безбедност во сообраќај на патишта, потпомогната од СВР Куманово од Одделението за превенција со едукативна поука за безбедно учество во сообраќајот на најмладите.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk