Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово забележаа победа против тимот на Кожув во второто коло од домашното првенство. Во Третата лига, Бал фор Лајф беше поуспешен од тимот на Марфил Спорт од Прилеп.
Кумановскиот прволигаш ја забележа првата победа во домашното првенство со резултат 89:86. Пресудна беше втората четвртина кога кумановчани постигнаа 30 поени и примија само 9, што на крај беше доволно за победа од три поени предност. Костовски постигна 20 поени за Куманово, додека за Кожув Кенион МекНил го заврши натпреварот со 30 поени. Битно е да се напомене дека Кожув е во криза, па пред натпреварот тимот од Гевгелија остана без својот прв тренер, Врбица Стефанов. Тимот го водеше неговиот помошник, поранешниот тренер на Куманово Игор Михајловски.
Кошаркарите на Бал фор Лајф ја забележаа третата победа одкако вчера беа подобри од Марфил Спорт со резултат 84:63. Натпреварот беше неизвесен во првото полувреме кога гостите од Прилеп пружија солиден отпор, па резултатот по паузата беше 43:38. Тимот од Прилеп целосно падна во третиот период кога домаќинот направи разлика, која ја чуваше до крајот на натпреварот. Во победата на Бал фор Лајф, Горан Тренчиќ постигна 26 поени а Дарко Смиљковиќ го заврши натпреварот со 20 поени.
Следниот натпревар Бал фор Лајф го игра против Дино Баскет од Кочани на гостински терен.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk