Зачленете се во нашиот клуб на читатели и најновите текстови ќе ги добивате на вашата мејл адреса
Раководството на регионалното кошаркарско натпреварување, БИБЛ Лига денеска го објави распоредот за втората фаза, каде место обезбедија 6 екипи, поделени во 2 групи.
Во Група „Г“, како што веќе знаете, силите ќе ги одмерат КК Куманово, КК Академик Пловдив и КК Хапоел Холон.
Најдобрите две екипи со меѓусебен ефект, заминуваат на завршниот Ф4 турнир. Првата средба за Куманово е планирано да се одигра на 23-ти февруари во Израел, кај Хапоел Холон во „Тото Арена“. Потоа, на тимот му следуваат два дуели на домашен терен: 12-ти март реванш меч со Израелците, а пет дена подоцна, на мегдан доаѓа Академик Пловдив.
Последниот натпревар за КК Куманово ќе биде на крајот од месец март во Бугарија, односно на 30-ти во „Комплекс Сила“.
Се уште останува состојбата со можните здравствени проблеми, па нема да биде за изненадување доколку некој натпревар биде одложен и за него биде побаран друг термин.
(Д.Д.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk