Зачленете се во нашиот клуб на читатели и најновите текстови ќе ги добивате на вашата мејл адреса
Неџмедин Садики го освои пехарот за најдобар шахист на четвртото Шаховско првенство што минатата недела се одржа во Куманово. Второто место му припадна на Зоран Илиќ, трет беше Срѓан Христовски, а четврти Михајло Вучковски, Методија Серафимовски и Петар Спасовски,сите добија парични награди. Награда беше врачена и на најмладиот учесник Коста Јаневски.
Продолжува одличната традиција во клубот да се организираат шаховските првенства во градот. Оваа година мене ми падна честа да бидам првак на градот, иако имаме многу врвни шахисти, кои ја заслушуваат оваа награда. Имав малку среќа и малку повеќе знаење и среќен сум заради победата. Посакувам да ја задржиме традицијата и во иднина да имаме повеќе вакви турнири - рече победникот Садику.
Во просториите на Шаховскиот клуб, наградите ги врачи Виктор Божиновски претседател на Општинскиот сојуз на спортови.
Пријатно сум изненаден колку многу шахисти се пријавиле на првенството и колку многу интузијасти имаме во шахот како спорт во градот. Досега Општинскиот сојуз на спортови заедно со Општината Куманово и јавните претпријатија го помагаат спортот и понатаму ќе продолжиме да даваме подршка за омасовување на шахот за да се реализираат повеќе активности во шаховскиот клуб - рече Божиновски.
Претседателот на шаховскиои клуб Слободан Ковачевски им се заблагодари на учесниците и на сите субјекти во градот што помогнаа клубот да застане на нозе и да ги врати шахистите во него.
На овогодинешното првенство учествуваа 14 шахисти, меѓу кои имавме фиде мајстор, мајсторски кандидати и првокатегорници, а за првпат учествуваше и еден најмлад шахист кој освои три поени. Сите играа по швајцерски систем во седум кола. На сите учесници им честитам што зедоа учество на првенството, а на најдобрите им посакувам одлични резултати на републичкото натпреварување - рече Ковачевски.
Тројцата најдобри шахисти на првенството се стекнуваат со право на учество на Републичкото екипно првенство во шах.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk