Ракометарите ја продолжуваат сеозната со многу проблеми

Ракометарите на Куманово утре го играат првиот натпревар од пролетниот дел од сезоната. Кумановчани утре гостуваат во Ресен, каде што ќе се сретнат со екипата на Преспа 10.

Куманово е во тешка финансиска ситуација и во продолжението од сезоната ќе се обиде да избори опстанок во Супер-лигата.

Според извори од клубот, доцнат и платите на играчите веќе неколку месеци, па сеуште е неизвесно дали сите играчи ќе патуваат на утрешниот натпревар во Ресен.

Како што веќе објавивме од порано, еден од најдобрите играчи во тимот Стефан Трајковски ја напушти екипата и замина во Тинекс Пролет.

Куманово се наоѓа на шестата позиција.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk