Ракометарите на Куманово добија нов стручен штаб

19.02.2020 09:14 | KumanovoNews

Ракометниот клуб Куманово изврши промена на тренерската позиција, а тимот ќе го предводат Александар Јанчиќ, Наташа Младеновска - Ѓорѓевиќ и Миодраг Јовановски - Црни.

Ракометарите на Куманово добија нов стручен штаб

Тренерскиот троец доаѓа на местото на Зоран Јосимовски, а во овој стручен штаб главниот збор ќе го има Јанчиќ. Предходните години овој тим на тренери успешно работеа во академијата Карпош - Вардар.

Куманово во досегашниот дел од сезоната одигра 15 натпревари каде што забележа 6 победи, 5 нерешени натпревари и 4 порази. Новиот стручен штаб има задача да забележат што подобар резултат во тековната сезона и воедно да направат што подобра подготовка за следната сезона.

Александар Јанчиќ е поранешен крилен ракометар на Куманово и Вардар, додека Наташа Ѓорѓевиќ е една од најдобрите ракометарки од Куманово, поранешна репрезентативка и играч на Куманово и Металург. Ова не е прв пат Миодраг Јовановски - Црни да седнува на тренерската клупа на ракометарите на Куманово, иако во предходниот дел од својата кариера работел, и во ракометната јавност е попознат како тренер на ЖРК Куманово.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk