Зачленете се во нашиот клуб на читатели и најновите текстови ќе ги добивате на вашата мејл адреса
Машкиот ракометен клуб (МРК) Куманово со шест нови засилувања ќе го продолжи вториот дел од сезоната.
Од клубот велат дека од вчера официјално започнале со подготовките, и најавуваат дека имаат амбиции да обезбедат што подобра позиција во пресрет на плеј-аут лигата, каде главна цел е да се обезбеди опстанок оваа сезона.
„Нашиот тим максимално го искористи преодниот рок и се засили со шест нови ракометари. Од Бразил ни доаѓаат Жоао Виктор Соарес Флорес, Џанкарло Фелипе Хен и Гилерме Да Силва Фернандес. Од Хрватска во нашите редови пристигна Лука Матачиќ , додека МРК Куманово го засилија и македонските ракометари Стефан Лазаревски и Григор Трајковски. Од нашиот тим на позајмица до крајот на сезоната во Младост од Богданци заминаа Уча Гамзардија и младиот пикер Борјан Цековски“, велат од клубот.
На првиот тренинг тренерот на МРК Куманово биле сите ракометари , освен бразилските интернационалци кои треба во Куманово да пристигнат до крајот на наредната недела.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk