Зачленете се во нашиот клуб на читатели и најновите текстови ќе ги добивате на вашата мејл адреса
Вчера на домашен терен ракометарите на Куманово беа поразени на првенствениот натпревар од шестото коло на машката суперлига против екипата на Металург со 31:19 (15:11).
Првото полувреме Металург го одигра со својата резервна постава: З.Мојсоски, Алушовски, Батиновиќ, Додер и Левов. На пикерската позиција настапи Димовски, а на голот Станиќ. Во одбрана повремено влегуваше и Мандиќ.
Во овој дел од натпреварот се истакна Алушовски со пет постигнати гола, додека Левов даде три. Дарко Станиќ одбрани осум удари меѓу кои и еден седмерец.
Во второто полувреме Мојсоски и Алушовски ги заменија Георгиевски и Коражија, а место Левов настапи Вугринец.
Разликата почна нагло да се зголемува, па во 38. минута беше, 20:13, во 46. минута 24:13, а најголема беше во 53. минута, 28:15.
Конечниот резултат од средбата е 31:19.
Вугринец, со шест, и Алушовски и Коражија со по пет гола беа најпрецизните во редовите на РК Металург, додека кај нашите ракометари: Арсовски, Спасиќ 1, Трајчевски, Блажевски 5, Несторовски, Тасевски 1, Екиновиќ 1, Кузмановски 1, Ивановски, С.Трајковски 3, Јордановски, Миладиновски, Б.Трајковски, Димковски 4, Димитриоски и Георгиевски 3.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk