Зачленете се во нашиот клуб на читатели и најновите текстови ќе ги добивате на вашата мејл адреса
По долгата пауза поради Европското првенство во Данска, ракометарите на Вардар се враќаат на клупските обврски во Лигата на Шампионите и, домашните натпреварувања и Сеха Лигата.
За вториот дел од сезоната, пријателскиот натпреварот против екипата на Веспрем од Унгарија е вистински избор за да испроба играта на вардарци.
Гостувањето на Веспрем ќе биде и одлична можност за новиот тренер на Вардарци Раул Гонзалес, да дебитира против голем ривал, кој е предводен од клупата од неговиот сонародник, Антонио Карлос Ортега.
Шпанецот најавува мали промени во играта, како во одбраната, така и во нападот.
- Мислам дека ќе има некои промени во двата правци, ќе го промениме стилот на игра, меѓутоа за тоа е потребно малку време, и затоа ќе работиме чекор по чекор. Сега засега немаме конкретно решение на позицијата лев бек, бидејќи Лазаров е повреден, а Растворцев нема да настапи до крајот на сезоната. Се надевам дека Лазаров ќе се врати многу брзо, и ќе се приклучи на екипата во најважниот дел од сезоната, додава Раул.
Натпреварот Вардар – Веспрем се игра вечерва од 17.45 часот, во СРЦ “Кале”. Тоа е одлична можност за верните навивачи на најтрофејниот македонски клуб, да ги исполнат трибините, а сите оние кои нема да бидат на Кале, ќе можат да го следат натпреварот на програмата на МРТ1.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk