Се одржа Турнирот во пинг понг „Куманово 2021“

Во спортската сала во Гимназијата „Гоце Делчев“ во Куманово, вчера се одржа традиционалниот Турнир во пинг понг за ветерани и млади надежи „Куманово 2021“, по повод 11 Ноември Ден на ослободување на Куманово.

 Турнирот е во организација на Пинг понг клуб „Куманово“ и Општински сојуз на спортови во Куманово.

„Во мошне интересни натпревари кај ветераните најдобар беше Сашо Стојановски од ППК „Работнички“, втор е Милан Петрески од ППК „Вардар“  а трет е Сашо Љамов од ППК „Телеком Нец“. Кај кадетите првото место му припадна на Андреј Васевски од ППК „Куманово, втор е Андреј Стојановски од ППК „Крива Паланка“, а трет и четврти се Ведран Рангелов и Глигор Доневски од ППК „Куманово“,  истакна координаторот на турнирот Мики Трендафиловски. 

 Турнирот го отвори претседателот на Пинг понг клуб „Куманово“ Зоран Петрушевски. Спортската манифестација се одржа со почитување на сите потребни мерки и протоколи за заштита од ковид-19, со ограничен број на учесници, поради пандемијата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk