Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарскиот клуб Куманово на својата официјална Фејсбук група потврди дека Марјан Србиновски ќе остане тренер на тимот уште една сезона.
Пасивноста на клубот за време на летниот преоден рок предизвика многу сомнежи за иднината на клубот, меѓутоа потписот на Србиновски гарантира дека Куманово и оваа сезона ќе биде конкурентен. Впрочем многуте нејаснотии околу форматот на лигата и конечниот број на клубови дава простор Куманово да тактизира до последен момент со имињата кои ќе ги бранат сино-белите во наредната сезона.
Бојан Трајковски беше првото засилување кое после неколку недели го напушти клубот. Крилниот центар ја активирал клаузулата од договорот со кој би можел да ги напушти кумановчани за понуда од странство, а според неофицијални извори причина за неговото „бегство“ во Косово е суспензијата која му ја подготвува МКФ поради напуштањето на репрезентативниот состав.
Куманово би требало да го задржи репрезентативниот бековски тандем Костовски - Караџовски, во тимот останува Караколев како и Марјан Јанески.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk