Тројца мали фудбалери од „Еуроспорт“ ќе одат на проба во Црвена Звезда

Младите фудбалери на ФК  „Еуроспорт“ Куманово,  Сергеј Цветковски, Лазар Маневски и Димитриј Димитриевски во периодот од 26 до 30 октомври ќе тренираат и ќе одиграат неколку пријателски натпревари за тимот на ФК Црвена Звезда од Белград.

„Сергеј Цветковски има 10 години и е меѓу најдобрите голмани во Македонија, заедно со Лазар Маневски кој е негова генерација и е еден од најдобрите крилни  напаѓачи, веќе подолго време се следени од ФК Црвена Звезда на бројни  турнири на кои тимот на ФК Куманово „Еуроспорт“ настапувал во Македонија, Србија и Бугарија.  Најмладиот од нив Димитриј Стефановски  има само 6 години и игра како напаѓач, и иако е многу мал остави одличен впечаток на турнирот во Скопје, играјќи со една година поголеми дечиња и бил забележан од скаутите на Црвена Звезда", информираат од клубот.

„Самиот повик од реномираниот клуб од Белград претставува уште еден доказ дека Куманово располага со големи таленти, а и доказ дека тренерите правилно ги обликуваат овие наши бисери. Им посакуваме успешни настапи на дечињата од ФК Куманово Еуроспорт и се надеваме дека во иднина ќе ги гледаме во дресот на Црвена Звезда“, додаваат од „Еуроспорт“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk