Ученици од „Професор Мијалковиќ“ со награди на Домијада

Ученици од Ученичкиот дом “Професор Мијалковиќ“ минатата недела во Струга земаа неколку награди на 23-та по ред Домијада, во конкуренција на учесници од сите ученички домови од земјава.

Освоија први места во пинг-понг машка и женска конкуренција, второ место шах машки и трето место шах женски.

Оваа година ни е најуспешна. Првата година кога дојдов на работа почнавме со еден пехар, а лани 3, сега 4 и се надеваме дека наредната година ќе ја освоиме целокупната Домијада - рече воспитувачот Дејан Ивановски.

Учениците се задоволни што и покрај силната конкуренција, остварија забележителни резултати.

Учествував во фудбал и во шах. Во фудбал не освоивме ништо, имаше многу силна конкуренција. Во шах освоивме второ место бидејќи бевме прилично добри и се покажа успехот од наша страна. И лани учествував, тогаш освоивме трето место и догодина се надевам дека ќе се подобриме и ќе освоиме прво место - кажа Стефан Ангеловски, ученик.

Пингпонгарот Бојан Спасовски вели дека покрај учење, слободното време го поминува и во вежбање пинг-понг, што резултираше со награди во Струга.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk