Зачленете се во нашиот клуб на читатели и најновите текстови ќе ги добивате на вашата мејл адреса
Викендов во Штип беше одржано третото коло од боксерската лига на Македонија. Куманово зеде учество со 6 боксери, од кои 4 издвојуваа победа.
Пред почетокот беа потпишани стипендии кои ги доделува Агенцијата за спорт и млади и Владата на Р.М. со кои боксерите Митревски и Мисини добија статус Спортист - Спортска надеж.
На турнирот во Штип беа постигнати следните резултати:
1. Џемаил Сакиповски (Куманово) - Реџеп Јашаров (Баргала-Штип) победа на Сакиповски од 5-1.
2.Ибраим Мустафи (Куманово) - Љупчо Христов (Пелбит-Битола) класичен нокаут рунда 1, победник Мустафи.
3.Николче Митевски (Куманово) - Мендо Џеладини (Тернипе-Скопије) во последната 4 рунда се влезе со нерешен резултат 2-2, но желбата за победа, брзањето и грешките на Митевски, Џеладини мудро ги искористи и триумфираше со 5-3.
4. Ферди Алија (Куманово) - Мартин Алексов (Баргала-Штип) исто како и Митевски така и Алија преголемата желба за победа се одрази негативно на него и Алексов победи со 9-3.
5. Кадри Мемети (Куманово) - Бујамин Шефкији (Шкендија-Тетово) класичен нокаут 1 рунда, победа на Мемети.
6. Мисини е победник без борба.
Со овие победи денеска Куманово избива на првото место во Боксерската Лига на Македонија во конкуренција на 13 екипи.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk