“Вело - М“ први на листа за шампионат на Македонија

 Велосипедскиот клуб “Вело - М“, по вчерашната кружна трка во Охрид, ја потврди својата доминација во однос на останатите клубови и е прв на ранг - листата за Шампионат на Македонија.

Во сениорска категорија победи Зоран Ристовски, втор беше Стефан Петровски, трет Ивица Давидовски, а од јуниори победи Никола Ѓукиќ.

Трката се состоеше од 20 круга со должина од 3,5 км. Јас и Зоран Ристовски имавме огромна предност и возевме со брзина од 41 км на час, што ретко се случува во Македонија и е доста брзо. Сезоната за друмски велосипедизам заврши и јас сум победник, најдобар во сениорска категорија за 2014 година - изјави Стефан Петровски, велосипедист од “Вело - М“.

Тој досега има 4 титули од кои 2 му се за резултати постигнати во категорија сениори.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk