Зачленете се во нашиот клуб на читатели и најновите текстови ќе ги добивате на вашата мејл адреса
Велосипедистите на Вело-М Термалифт остварија врвни резултати на велосипедската трка „Трофеј Кале“, која викендов се оддржа во Скопје.
Младата надеж на Вело-М Термалифт, Андреј Стојановски, убедливо ги победи своите конкуренти во кадетска конкуренција, додека Зоран Ристовски очекувано ги победи своите конкуренти во Мастерс категорија.
На трката присуствуваше и бугарска екипа Драг Софија, што придонесе за уште поголема возбуда и конкурентност.
Во сениорска конкуренција првото место го зема Денис Добрев од Бугарија, додека нашиот велосипедист Кирил Марковски успеа да се избори за 3. место.
Велосипедистите свртеа по 7, 12 и 15 кругови околу калето зависно од категорија.
- Иако најдобриот велосипедист на Вело-М Термалифт Никола Лефков е повреден, ние уште еднаш докажавме дека имаме квалитетни возачи и повторно доминиравме на самата трка. Ова е и предпоследна трка за Ранг Листа каде што Вело-М Термалифт го држи првото место и очекуваме така и да остане до крајот на годината“ -изјави Марјан Петровски, директор на Вело-М.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk