Во недела започнува вториот дел од сезоната за ЖРК Куманово

Ракометарките на Куманово во недела во 14:30 ја пречекуваат екипата на ЖРК Прилеп, со што ги продолжуваат натпреварите во најквалитетното женско ракометно првенство.

Тимот на Куманово вториот дел од сезоната ја започнува од третата позиција на табелата со осум победи и четири порази. Пред Куманово се Вардар со 10 победи и 2 порази, и Металург кој сеуште нема пораз.

Четврти на табелата се Прилеп, кои се далеку од Куманово и имаат скор од 5 победи и 7 порази, па со победа на Куманово во овој натпревар, дефинитивно ќе се зацврснат на третата позиција на табелта.

Натпреварот се игра во салата на ОУ Христијан Карпош со почеток во 14:30.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk