Зачленете се во нашиот клуб на читатели и најновите текстови ќе ги добивате на вашата мејл адреса
Екипата на Кожув успеја да го победи тимот на Куманово и ја прекина победничката серија од девет победи по ред.
Кожув имаше предност речиси на целиот натпревар, и покажа дека го има скалпот на Куманово. Кумановчани неколкупати имаа водство во втората четвртина меѓутоа тоа не беше поголемо од 3 поени. Кожув до крајот на вториот период успеја да ја врати предноста во нивна корист и да замине на полувреме со 7 поени предност.
После паузата од полувреме, Кожув направи и двоцифрена разлика која Куманово не успеја да ја неутрализира. Гевгеличани го контролираа натпреварот и забележаа победа со резултат 79-69.
Рајан Вајт постигна 22 поена со одлични пореценти од игра(71% за 2 поени, 66% за три поени и 100% од линијата за слободни фрлања). За Куманово Александар Костовски постигна 24 поени и 5 скока.
Со овој пораз Куманово се враќа чекор назад во борбата за втората позиција. Следниот натпревар Куманово го игра против МЗТ Скопје на гостински терен.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk