Зачленете се во нашиот клуб на читатели и најновите текстови ќе ги добивате на вашата мејл адреса
Општинскиот сојуз на спортови годинава ќе потроши 18 милиони денари за што согласност дадоа и советниците од Советот на Општина Куманово.
Најголем дел од парите ќе се потрошат за врвниот спорт, односно на клубови кои се натпреваруваат во лига системи.
Потоа следуваат и останатите клубови кои се натпреваруваат во турнирски и куп системи. Еден дел од парите ќе бидат потрошени за клубови кои се занимаваат со рекреативни натпревари како што се на пример “Динамик“, Спортско рекреативен клуб “Козјак“, “ Риболовно друштво “Пчиња“ и други. Одвоени се пари за турнири и спортски манифестации од традиционален, меѓународен карактер, турнири од посебен национален и општински интерес. Тука се мисли на оние турнири по повод Ден на државноста, ослободување на Куманово, 11 Октомври и слично. Средства се планирани во домен на рекреативна активност на граѓани “Спорт за сите“, каде се вклучуваат не само спортисти, туку и граѓани - изјави Драган Божиновски, секретар на Општински сојуз на спорт.
Пари ќе има и за масовниот спорт каде спаѓа и училишниот спорт. За разлика од лани кога беа одвоени 12 милиони денари за општинските спортови, за 2013 година сумата е зголемена за плус 6 милиони денари.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk