Започнува вториот дел од сезоната во Втора лига

Кошаркарскиот клуб Михајловски продолжува со настапот во Втората кошаркарска лига овој викенд.

Минатогодишниот прволигаш, екипата на Пелистер е првиот противник на Куманово во вториот дел од сезоната. Во првиот натпревар, Михајловски на домашен терен победија со резултат 59-54.

Пред патувањето во Битола се соочуваме со здравствени и кадровски проблеми во екипата. 2 играчи од првата петорка ни се повредени а плејмејкерот од Скопје моравме да го одпуштиме поради лошата финансиска ситуација - изјави тренерот на екипата Саша Дејановиќ.

Сепак, и покрај овие проблеми тој верува во својата екипа и очекува солиден настап до крајот на сезоната.

Очекувам да ги повториме добрите игри како во првиот дел од сезоната. Верувам во оваа екипа и мислам дека ќе можеме да ја оствариме зацртаната цел, опстанок во Втората кошаркарска лига - додаде Дејановиќ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk