Зачленете се во нашиот клуб на читатели и најновите текстови ќе ги добивате на вашата мејл адреса
Ракометарките на Куманово потврдија дека се најдобрата екипа во домашното првенство за оваа сезона, и за само седум дена по освојување на Купот, го освоија и домашната лига.
И овој пат како и минатата недела, кумановчанки за противник го имаа тимот на Вардар. Вардарки на овој натпревар покажаа подобра игра и на полувреме имаа само два гола негатива(16-14), а по паузата за полувреме намалија и на еден гол разлика. Меѓутоа Куманово потврди дека оваа сезона ќе ја заврши без ниту еден пораз, ја врати контролата над натпреварот и ја освои првата титула, и првата двојна круна во Македонското првенство. Конечен резултат на мечот беше 30-21.
Јована Кипријановска постигна шест погодоци и беше најефикасна во тимот на Куманово, а со пет гола натпреварот го завршија Мила Трајковиќ, Ана Шарановиќ и Амела Џакмиќ.
Досега ваков успех имаат постигнато Кометал Ѓорче Петров, Вардар и Металург.
(Ст.Н.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk