Зачленете се во нашиот клуб на читатели и најновите текстови ќе ги добивате на вашата мејл адреса
Рафални истрели од огнено оружје и детонации, повторно се слушаат од кумановската населба Тоде Мендол, по пладневното затишје. Од далеку може да се види дека неколку куќи горат, а тернот го надлетуваат хелихоптери.
Полициски транспортери постојано се по улиците на градот и се упатуваат кон кризното подрачје. Според извори од терен, полицијата врши претрес на куќите, се со цел да се откријат членови на вооружената група. Повредени се уште три полицајци, кои се пренесени во кумановската болница. Тоа го потврди и портпаролот на МВР Иво Котевски.
Куманово од утринава е под полициска опсада. Се повеќе се зборува за повредени и загинати полицајци и цивили. Жителите се во паника и чекаат надлежните да дадат поконкретни информации за вооружениот конфликт, кој трае 12 часа. И додека на периферијата се водат жестоки борби, улиците во градот се речиси празни, а сите дуќани затворени.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk