Зачленете се во нашиот клуб на читатели и најновите текстови ќе ги добивате на вашата мејл адреса
На 14 месеци затвор е осуден поранешниот градоначалник на Старо Нагоричане, Миодраг Јовановиќ, затоа што пред две години со службениот автомобил го прегазил пешакот Срѓан Лазаревски (31) од селото Орашац.
Јовановиќ ќе одговара за две кривични дела. За тешки дела против безбедноста на луѓето и имотот во сообраќајот доби казна затвор од една година, а за не укажување на помош на лице повредено во сообраќајна незгода казна од три месеци . Основниот Суд му изрече единствена казна затвор од 14 месеци.
Сообраќајната несреќа во која учествуваше градоначалникот Јовановиќ се случи во април 2012 година околу 3 часот по полноќ. Тој со службениот автомобил шкода октавиа, враќајќи се дома, удрил во пешакот, по што си заминал од местото на несреќата. По два часа повредениот го пронашол случаен минувач и повикал Брза помош. Од задобиените повреди, по десет дена Лазаревски починал во болница во Скопје.
Во текот на судењето Јовановиќ негираше дека учествувал во сообраќајката. Тој пред судот тврдеше дека критичната ноќ заминал многу порано со автомобилот и при тоа не удрил во ништо.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk