500 пивтии за „Пивтијада„

 Организаторите на традиционалната кумановска манифестација „Пивтијада„ здружението на граѓани „Карпино„ оваа година ќе приготват 500 чинии пивтии за потребите на утрешната вечер, но и за хуманитарни цели.

Пивтиите се варат во специјален казан во ресторанот „Грација„.

Вариме по 50 килограми буткици и по 30 коленици, ножиња и свежо месо, што значи вкупно 140 кила заире во 180 литри казан. Од тоа ќе добиеме 500 тањири пивтии- вели мајсторот за пивтии готвачката Добрила Илиевска.

Дел од пивтиите ќе се однесат во Домот на стари лица, лицата со посебни потреби, на рибарите и на гостите на Пивтијадата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk