Измамиле 83-годишна жена за 10.000 евра, и кажале дека ќерка и е повредена во сообраќајка во Србија и треба итно да се оперира

Осумдесет и тригодишна жена од Куманово вчера во 18.30 часот пријавила во Кумановската полиција дека била измамена за сума 10.000 евра. 

Според пријавеното, најпрвин на 10.12.2023 и се јавило лице што и кажало дека нејзината ќерка имала сообраќајна незгода во Република Србија и била потребна одредена сума на пари за да се изврши операцијa и дека наскоро ќе и се јави лекарот да се договорат за износот на опeрацијата. 

„Како што е пријавено, набргу се јавило лицето и откако се договориле ги оставила парите пред влезната капија во нејзиниот двор. Исто така, според пријавеното, откако се слушнала со нејзината ќерка, која и
кажала дека е добра, сфатила дека е измамена. Се преземаат мерки за расчистување на случајот“, соопшти полицијата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk