Зачленете се во нашиот клуб на читатели и најновите текстови ќе ги добивате на вашата мејл адреса
Над 870 лица се вработиле во општините Куманово, Липково и Старо Нагоричане, преку проектот „Македонија вработува“.
Според надлежните од Центарот за вработување Куманово, работа нашле вкупно 874 лица, најмогу од микро и малите претпријатија кои се занимаваат со трговската и услужна дејност, но и во средните производни компании.
„До вчера компаниите можеа да поднесат барање и да вработат едно или повеќе лица, без да плаќаат придонеси. Бенефит од проектот остварија и невработените кои добија вработување и компаниите кои заштедија средства за плаќање придонеси“ - изјави раководителот на Центарот за вработување, Милорад Тренчевски.
Претходно, со проектот „Вработување млади до 29 години“ во кумановскиот Центар за вработување се вработија 661 лице. Вкупно, со двата проекти во Куманово вработување добиле 1.535 лица.
(МИА)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk