Акција за собирање на кабаст отпад во Куманово

ЈП „Чистота и зеленило“ во соработка со Општина Куманово, наредните две саботи ќе организира акции за собирање на кабаст отпад.

Граѓаните ќе можат да ги одложат непотребните работи од домаќинството на три локации во Куманово и тоа: на паркингот пред Градскиот затворен базен, пред поранешната фабрика „ЧИК“ и на паркингот кај „Kошеви”  во населбата Гоце Делчев.

„Граѓаните можат да го депонираат кабестиот отпад исклучиво од 7:00 до 11:00 часот на посочените пунктови во сабота на 05.06.2021 и на 12.06.2021. Акцијата не предвидува собирање на градежен шут и отпад“, соопштува Општина Куманово.

Ваквите ациии треба да се организираат почесто во градот, поради тоа што сведоци сме дека несовесни граѓани го исфрлаат својот стар мебел во непосредна близина на контејнерите или, пак, во реките и  на слободните зелени површини што го нашле.

Првата акција во сабота се организира по повод 5 јуни - Светскиот ден за заштита на животна средина.

(С.Н.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk