Александар Јовановиќ нов раководител на Секторот за образование во Општина Куманово

Александар Јовановиќ, дипломиран професор по физичко воспитување, е нов раководител на Секторот на образование во Општина Куманово.

Јовановиќ е избран во редовна постапка по распишан конкурс.

„Ова е голем предизвик за мене и очекувам успешна соработка со директорите и професорите, се со цел да создадеме подобри услови за работа на учениците и вработените во сите основни и средни училишта во општината“, изјави Јовановиќ за Кумановоњуз.

Јовановиќ досега беше директор на Основното училиште „Крсте Мисирков“, а предходно работеше како професор по физичко воспитување во гимназијата „Гоце Делчев“, а десет години е тренер во ракометниот клуб Куманово.

Тој доаѓа на местото на в.д. раководителката Дивна Тодоровска Величковиќ.

(С.Н.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk