“Аман“ ќе протестира по петти пат

Утре во 18 часот попладне, членовите на граѓанската иницијатива “Аман“ ќе протестираат на Градскиот плоштад.

Велат дека досега немале никакви притисоци од никого да прекинат со протестот, ниту пак слушнале дека ќе има контрапротести во Куманово.

Ние сме против приватизација и докапитализација затоа што тоа ќе донесе поскапувања. Ние ги повикуваме граѓаните да не поддржат во барањата, да не се доприватизира ЕЛЕМ. Нашиот менталитет е таков, луѓето не излегуваат на протести. Еве стигнаа првите сметки, ќе стигнат и вторите и третите па ќе видиме - изјави Петар Чуриќ, член на “Аман“.

Протестите против поскапувањата почнаа прво од Скопје, а потоа се проширија и во другите градови. Куманово заедно со уште неколку градови се приклучи кон овие протести со цел да се изрази незадоволството на граѓаните.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk