Атлетичарите од “Куманово“ со бројни медали во Охрид

Осум атлетичари од атлетски клуб “Куманово“ минатата недела на Државно првенство во атлетика во Охрид освоија вкупно 15 медали.

“Најуспешна меѓу нив со 2 златни медали беше Матеја Ефремовска, а голем успех забележа и младиот 15-годишен Милан Вељковиќ, кој не само што успеа да се закити со 2 бронзени медали во трки со 3-4 години постари атлетичари, туку успеа да направи државен рекорд за пионери на трката од 400м со резултат 52.73 секунди. Ова е негов 3 државен рекорд во изминативе 4 недели. Атлетски клуб “Куманово“ имаше одличен успех и на сите претходни првенства што се одржаа изминативе недели“ - вели тренерот Филип Колевски.

Рекорден успех клубот имаше на Државното пионерско првенство со 20 индивидуални медали.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk