Автобусите на вонреден технички преглед-градскиот сообраќај во колапс

Над 40 автобуси на 4 компании од градот утринава се исклучени од сообраќај и пратени на вонреден технички преглед.

Полициската акција започнала во 6.15 часот, кога на неколку пункта во градот биле запирани автобусите од градскиот и училишниот превоз.

Од нашата компанија се исклучени 14 автобуси. Речиси кај сите се најдени ситни технички недостатоци и изречена им е казна од по 2200 евра. И другпат имало вакви контроли, но првпат од волку голем обем. Не ми се познати причините, но не сакам да се сомневам дека се работи за политичка одлука, бидејќи во ово случај превезуваме работници и ученици, а не членови на политичка партија за митинг,-изјави Оливер Стафановски, сопственик на Оли-Травел.

Од сообраќај се исклучени автобусите на Оли Травел, Штуз, Јоцо- турс и Глобал. Поради акцијата градскиот и меѓуградскиот сообраќај во градот е во колапс.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk