Бајловски средби и оваа година

Во село Бајловце, во недела, ќе се одржи манифестацијата “Бајловски средби 2014“, која ја организира здружението “Козјачија во срцето“ под покровителство на општина Старо Нагоричане.

 Според организаторите, свеченото отварање на манифестацијата ќе биде во 11 часот откако предходно ќе се извршат неопходните подготовки и ќе се одржи литургија во црквата “Свети Димитрија“ .

“Манифестацијата ќе ја отвори покровителот, градоначалникот Милован Стојковски. Ќе има избор на најдобра  баница по рецепт на нашите баби . Пријавени се учеснички од Скопје, Пехчево, Куманово и жените од селото кои ќе прават баници. Лани имавме 1000 посетители, а се надеваме дека оваа година ако не послужи времето ќе има повеќе гости“ - изјави Зоран Бојковски, претседател на “Козјачија во срцето“.

 Манифестацијата ќе биде проследена со богата има културно - уметничка програма,  прикажување на старата Козјачко - бајловска свадба, настап на културно - уметничките друштва “Српски вез“, “Срма“, “Ѓоко Симоновски“ и учениците од училиштето во Бајловце.

За граѓаните кои сакаат да бидат дел од  манифестацијата ќе има организиран превоз од пред “Жмара“ во 8.30 часот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk