Бдеење на Кокино

 Посетители од цела Македонија, вчера, рано в зори присуствуваа на молитвено бдеење во мегалитската опсерваторија „Кокино„, каде имаа можност да го видат митолошкото раѓање на животот и цикличната обнова на природата.

Според археолозите се работи за прастар молитвен обред кога сонцето се пробива низ тајните на камениот маркер и на светата планина го осветлува престолот со врховниот свештеник. Овој пагански ритуал се изведувал секоја година на истиот ден, кога во негова чест се жртвувале и животни.

Овие свети ритиали го претставувале светиот брак и спојот помеѓу мајката земја и божеството сонце за да имаат плодност и благодет- вели археологот Јовица Станковски од Кумановскиот музеј.

Бдеењето го организираше Општината Куманово, а посетителите имаа прилика да ја видат најстарата, примитивна техника на печење керамички садови, како и да слушаат поезија посветена на оваа свето место. Мегалитската орсерваторија „Кокино„ привлекува многу туристи од земјава и странство, но една деценија по откривањето, сеуште не е квалитетно решено инфраструктурното поврзување, ниту пак е уреден просторот околу опсерваторијата

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk