Бензинот поевтинува за 2 денари, дизелот за 3 денари за литар

Регулаторната комисија за енергетика, одлучи од полноќ ќе поевтинат нафтените деривати - бензинот за 2 денари за литар, а дизелот и нафтата за домаќинствата за 3 денари. Ќе се намали и цената на мазутот.

Максималните цени на нафтените деривати по полноќ ќе изнесуваат:

Моторен бензин Еуросупер БС - 95 91,50 (денари/литар)
Моторен бензин Еуросупер БС - 98 94,00 (денари/литар)
Дизел гориво ЕУРОДИЗЕЛ БС (Д-Е V) - 93,00 (денари/литар)
Масло за горење Екстра лесно 1 (ЕЛ-1) - 88,00 (денари/литар)
Мазут М-1 НС - 47,622 (денари/килограм)

Од Регулаторната комисија велат дека референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,887%, кај дизелот за 2,869%, кај екстра лесното за 2,857% и кај мазутот намалувањето е за 2,291%.

Курсот на денарот во однос на доларот во изминатиот период по кој беа формирани цените со претходната пресметка е понизок за 1,485%.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk