Зачленете се во нашиот клуб на читатели и најновите текстови ќе ги добивате на вашата мејл адреса
Биљана Ивановска повторно е на чело на Општа болница Куманово. Таа во втората половина на септември беше избрана на конкурс на функцијата, а само по еден месец беше разрешена од министерот Фатмир Меџити без посебно образложение.
За в.д. директор беше назначен д-р Фати Џемаили, уролог во болницата. Ваквата одлука предизвика бурни реакции кај граѓаните, поради политичките игри во здравството.
„Професионално, чесно, одговорно и легитимно продолжувам на позиција менаџер на ЈЗУ Општа болница Куманово. Животот е полн со предизвици и како таков треба да го прифатиме. Во соработка со Министерството за здравство ќе ги реализираме проектите кои се дел од мојата програма, а се од исклучително значење за сите граѓани на Куманово и околните шест општини“, истакнува старо-новата директорка Ивановска.
За ненадејната смена на Ивановска министерот Меџити тогаш се правдаше дека нема да поддржи директори кои не можат во целост и стручно да ги извршуваат менџерските работи.
По три недели Биљана Ивановска се враќа на работното место директор, но не се познати причините за повторната смена во раководството на болницата.
Ивановска е дипломиран психолог и во болницата работи од 2015 година, вели дека добро е запознаена со организационата поставеност, потребите и недостатоците на ова здравствена установа.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk