Блокирана сметката на „Чистота“

 Блокирана е сметката на јавното претпријатие „Чистота и Зеленило“, поради долг кон УЈП стар повеќе од 15 години.

Долгот изнесува над 50 милиони денари, по основ на побарување и камати.

„Се работи за долг од пред 15 години кој беше репрограмиран, само каматата е над 40 милиони денари, а сега е активиран. Целта е да са создаде хаос во општината. Нашите жалби беа одбиени од Судот и незнаеме како понатаму ќе постапуваме. Ќе биде доведена во прашање работата на претпријатието, - изјави градоначаникот Зоран Дамјановски.

Тој појасни дека на претпријатието не му е дозволено да располага ни со минимум средства, со кои ќе може да ги извршува основните работи и да се исплаќа плата на вработените.

Со сличен проблем се соочувала и општина Струмица, поради што градоначалникот смета дека се работи за политичка пресметка со не истомислениците.

Доколку не се реши проблемот во наредните денови, надлежните најавуваат прес конференција за целиот случај.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk