Бојкотот на средношлолците продолжува, во четврток протест во Скопје

Во средните училишта во Куманово продолжува бојкотот на наставата со држење на скратени часови, а во четврток кумановските ученици ќе одат на протест пред Министерството за образование и наука во Скопје.

Од Наставничкиот пленум Куманово велат дека професорите кои се прва смена на работа, ќе се приклучат на протестот.

“Поддршка ќе дадат од Наставнички пленум, Професорски пленум, студенти, родители и очекуваме протестот да биде масовен. Барањата на средношколците се познати. Се работи за две клучни барања за укинување на екстерно тестирање и враќање на стариот модел на полагање на државна матура, како што беше лани“- велат од Наставнички пленум Куманово.

За да издејствуваат преговори со МОН, учениците неколку денови целосно, а потоа делумно ја бојкотираа наставата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk