Зачленете се во нашиот клуб на читатели и најновите текстови ќе ги добивате на вашата мејл адреса
Учениците од ОУ “Браќа Миладиновци“ и Техничкото училиште “Наце Буѓони“ ќе ја претставуваат Општината на регионален натпревар по противпожарна заштита, откако денеска беа најдобри на општинското натпреварување.
Во Центарот за култура “Трајко Прокопиев“ денеска основците и средношколците се натпреваруваа на 28 - от традиционален противпожарен квиз.
На натпреварот учествуваа седум екипи од основните и пет од средните училишта во Куманово. Тие теоретски одговараа на прашања од областа на противпожарната заштита.
- Учениците имаат добиено прирачници кои ги издава Противпожарен сојуз на Македонија и од нив се дадени прашања. Тоа се прирачници за пожари во урбани средини и заштита од пожари на отворен простор. Децата се натпреваруваат екипно, по три ученика има во секоја екипа. Тие имаат ментори кои ги подготвуваат. Распишавме и литературен конкурс на тема “Заштита од пожари“ и избрани се пет поетски творби кои ќе одат на државен натпревар - вели Часлав Јовановиќ, секретар на Противпожарен сојуз Куманово.
Најдобри се екипите на ОУ “Браќа Миладиновци“ и Техничкото училиште “Наце Буѓони“ ќе ја претставуваат Општината на регионален натпревар по противпожарна заштита, кое ќе се одржи во Младинскиот центар Козјак на 30 месецов.
Натпреварот го следеа претставници од Противпожарен сојуз Куманово и Противпожарен сојуз на Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk