Зачленете се во нашиот клуб на читатели и најновите текстови ќе ги добивате на вашата мејл адреса
Граѓанската иницијатива „Будење“ бара општина Куманово да распише референдум за Стратегијата за интеграција на мигрантите во Република Македонија.
Денеска на градскиот плоштад започна акција за собирање на потписи за распишување на референдум преку кој граѓаните ќе се изјаснат дали го подржуваат планот на Владата за изградба на станови за мигранти.
Собраните потписи заедно со барањето за ставање точка на дневен ред на следната седница на Советот на општина Куманово за распишување на референдум ќе ја доставиме на претседателот на Советот, градоначалникот и координаторите на сите советнички групи и очекуваме точката за референдумот да биде ставена на дневен ред, - изјави Розита Симоновска-Аритонова.
Симоновска-Аритонова објасни дека со стратегијата во наредните 10 години се планира трајно вдомување на бегалците, нивно образование, вработување и упис во државјанство.
На новинарско прашање дали граѓанската иницијатива има информација дека во Куманово ќе се градат станови за бегалците, Симоновска-Аритонова рече дека нема таква информација.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk