Ќе се подобри безбедноста во Пензионерски дом

Станарите во Пензионерски дом Куманово се надеваат дека ќе се подобри безбедноста, откако од ПИОМ им поставиле нова влезна врата и врата пред холот на објектот.

Дополнително велат дека самиот факт што ресторанот Парк е реновиран и ќе профункционира, ќе се намали бројот на корисници на дрога, крадци и други сомнителни лица кои се движат околу домот. Се надеваат дека надлежните ќе имаат слух и ќе направат посебна порта за влез во ресторанот, а посебно за влез во Пензионерскиот дом.

И да тропаат ноќе не отвараме. Ние сме стари жени. Уништено беше долу, покрија да не тече, ставија ламинат“-вели Стојна Павловиќ, станар.

Се надеваат дека ресторанот ќе си го врати стариот сјај, дека ќе има свадби и други прослави.

Се радуваме за ресторанот. Може ќе има менза тука, ќе си плаќаме, ќе земаме јадење. Јас овде живеат 16 години и сум задоволна“-рече Лена Коцевска, станар.

Благунка Петковска раскажува дека сега дворот на домот е исчистен, нема смет и се чувствуваат посигурни.

Сега ни е супер, се чувствуваме посигурни. Само да имаме посебна врата. Дали е во ред ние млади и стари да се разминуваме? Во ситни часови доаѓаат луѓе, не ги видуваме кои се. Има луѓе што држат соби, а не живеат тука и треба да се поведе ред. Има луѓе што седат на улица, што плачат за овде. Се надеваме за ресторанот дека ќе биде уште поубав“-изјави Петковска.

Во Пензионерскиот дом живеат 16 станари. Тие на ПИОМ плаќаат месечен надомест од 600 или 1000 денари зависно од големината на станот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk