Ќе се регистрира локална акциска група

Локална акциска група составена од најмалку триесет членови од општините Куманово, Липково и Старо Нагоричане ќе се регистрира до јуни годинава.

Групата ќе биде составена од претставници од општините, невладините организации и бизнис секторот ќе аплицира за пилот проекти преку корпорацијата КАРАНА. Работата на пилот проекти ќе биде подготовка за проекти од ЛИДЕР програмата, која за земјава најверојатно ќе биде достапна од 2016 или 2017 година.

“Процес на формирање на локална акциска група е во завршна фаза, и ќе треба да се дефинира визијата, мисијата, стратешките цели и приоритети. Ова ќе биде процес во која целата група ќе даде свој придонес во дефинирање на решенијата за рурален развој. Оваа група засега брои 30 до 40 членови од различни субјекти, и сега ќе се дефинираат основачите“ - вели Ѕвонко Наумовски, надворешен експерт за ЛИДЕР ангажиран од КАРАНА.

Веќе постојат иницијативи за одредени проекти како што се брендирање на производи, прочистување на Крива река и друго.

“Локалната акциска група треба да биде регистрирана до јуни, ќе биде направен управен одбор, да се изберат членови и да се поделат активностите. Да се почне со проектите кои ќе ги финансира КАРАНА. Овие работилници се да се извлече потенцијалот, да се избере најдоброто. Ова е една пракса која ќе ја добиеме пред да почнеме официјално да работиме со ЛИДЕР„ - рече Даниела Трајковиќ, проектен менаџер во Центар за развој на североисточен плански регион.

Проектите треба да бидат насочени кон рурален развој.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk