Ќе се реновираат основни училишта во општина Липково

Во општината Липково ќе се реновираат пет централни основни училишта со  кредит добиен од Светска банка во вредност од 400.000 евра.

Опфатени ќе бидат основните училишта во селата Матејче, Отља, Опае, Слупчане и Лојане.

„Некаде ќе се работи на централно греење, некаде ќе се поправи покривот, зависно од тоа каде за што има потреба. Проектите се готови, ќе треба да се распише тендер и да почне реновирањето преку лето. Ќе се работи за време на летниот распуст додека учениците не одат на училиште“- вели Џевдет Рахмани, одговорен за образование во општина Липково.

Ќе се реновираат училиштата во овие пет села каде има и поголем број на ученици.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk