Ќе се рестартира Тутунскиот комбинат Куманово

Владата вчера ја усвои информацијата за имотот, кој припаѓал на должникот Тутунски комбинат “Боро Петрушевски Папучар АД” од Куманово, со цел да се испитаат можностите за рестартирање на комбинатот.

Владата ги задолжила УЈП и Агенцијата за управување со одземен имот, во договор со доверителите и сопствениците на имотот, или на дел од него, да влезат во процес со кој ќе ги уредат меѓусебните односи во постапката со која треба да се создадат услови за продажба на вкупниот движен и недвижен имот на потенцијалните инвеститори, се наведува во соопштението од Владата.

Тутунскиот комбинат го купи Бајруш Сејдиу,  кој потоа беше осуден за организиран криминал и затајување данок.  По завршување на судењето имотот беше вратен на државата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk