Ќе се сечат старите дрвја во Градскиот парк

Следниот месец ќе се сечат старите дрвја во Стариот градски парк.

Ова денеска на седница на Советот на општина Куманово го кажа градоначалникот Зоран Дамјановски, откако советникот од ДУИ, Скендер Алији праша кога ќе се уреди и урбанизира Стариот градски парк.

“Направивме договор со “Шумско стопанство„ прво да ги исечеме старите дрвја. Од 1 декември ќе се сечат стари тополи и багреми. Нема целиот парк да биде уништен, туку само некои дрвја ќе се исечат. „Шумско“ ќе засади нови дрвја, нов зелен појас, а потоа ќе се постават клупи, ќе се направат стази, паркинг за да паркот добие една урбана слика“ - објасни Дамјановски.

Се работи за дрвја кои се стари и по 50 години и како такви се потенцијална опасност за минувачите.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk