Ќе се уредува бањата Стрновац

По Велигден ќе почне уредувањето на бањата Стрновац, информираат од комуналното претпријатије “Козјак“ од општина Старо Нагоричане.

Бањата ќе биде покриена со мрежа, ќе бидат направени туш кабини, соблекувални и скокалници во пресрет на сезоната.

За уредувањето ќе бидат потрошени над 200.000 денари, сопствени средства на претпријатијето. Зависно од финансиската состојба понатаму може да поставиме и бекатон плочки. Посетителите ќе почнат да доаѓаат во мај месец, а некои тука и кампуваат. Оваа сезона очекуваме повеќе гости од лани - кажа Борко Соколовиќ, директор на „Козјак“.

Соколовиќ вели дека бањата Стрновац ја посетуваат луѓе од Куманово, Скопје, Кратово, Крива Паланка, Пробиштип, Прешево, Врање и други места.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk